БҮЖИГ

Яг одоо эгшиглэж буй энэ ая
чи  бид хоёрт үүрд хоногшоосой
Чихэнд чинь хацраа наагаад
яг энэ чигээрээ үүрд зогсохсон

Тэгээд л өнгөрөн одсон цаг хугацаагаа
дурсамж гэж нэрлээд л
Тодхон ариуслыг чамаас олж
дүүлэн хөөрч аяархан газардахад
Туяхан бэлхүүснээс чинь гараа салгамааргүй
                                                               санагдана

Түгэх үнэрт чинь улам бүр шунаж
үсийг чинь илбэмээр санагдавч
Турьхан гараа хүзүүнээс минь аваад
үгүйлшгүй зүүдийг минь сарниасаар
Чиний бараа өөр нэгний гарт шилжинэ