Залуу нас минь

1.Зангидуулсан сэтгэлийн минь үдээсийг
   Тайлалгүй нэмж тооно тушсан чиний
   Зангидахдаа хэлсэн эмзэг үг шиг
   Тээнэгэлзэл дүүрэн амьд явж байна
   Залуу нас минь

2.Харанхуйн гүнд уусан одохдоо
   Эргээд хархад уртхан зам зурайлгасан
   Хал балгүйхэн бодолтойгоо
   Эвлэж чадахгүй урагш алхаж байна
   Залуу нас минь

3.Туниж амжаагүй гомдол бүрээ өрөвдөж
   Орох борооны дусал бүхэнд нэвчих гэж
   Тэмдэг төдий тэнтэр тунтар
   Овилгогүй гэнэн амьдарч байна
   Залуу нас минь

4.Алдаснаа умрын тэнгист живүүлж
   Олсноо өрнийн тэнгэрт тушааж
   Андын нөмрөг дор зуур хонохдоо
   Омголон бардам дүрэлзэж байна
   Залуу нас минь
                                                 2011.05.06 МУИС-2-р байр