Энэ цамнаад байгаа аймшигт үүлс
Эрээн бараан хоосон хий огторгуй
Зэрэгцэж юунд дагана вэ?
Тэртээд, аниргүйд бурхад юуг шивнэлдэж
Дэмийртлээ, солиортлоо энэ амьдралыг бүтээж
Тэнгэр хэмээгч ертөнцийн цаад төгсгөлөөс ширтэхдээ
Дув дуугүй нүдээр харан шоолно вэ?
Ээ, яагаад ийм тунгалаг мандлаас
Цас, бороо зэрэг шивэрдэг атлаа
Эхлэл ч үгүй, төгсгөл ч үгүйгээр оршиж
Цацрагт нарыг өдөр бүхэн мандуулна вэ?
No comments:
Post a Comment