Үргэлж тэнгэр ширтдэг
Тас хар нүдэнд чинь
Үйрэн гоожих элс шиг
Тунгалаг нулимсыг олж харахсан

...Гүн цүнхээл мэт нууцлаг
Зүрхний чинь сулхан цохилтонд
Гүц дүүрэн сархад амтлаад
Зүүрмэг төдий унтахсан

Нүдний өмнө эрээлжлэх
Олон олон солонгон дундаас
Надаас ангид гэрлэн бүрхүүлээ
Огт өөрөөр цацраах
Чиний дэргэд би омог бардам
...
Солгой сондгой хоолойнууд
Нэгэн зэргээр түрхрэн давалгааллаач
Сониуч дэвэргэн занг минь
Нүднийхээ ганцхан анивчаагаар зогсоодог
Чиний дэргэд би ердийнхөөсөө даруу

Өөрийгөө хүчлээд ч хүрч чадашгүй
Уруулын чинь дээд болон доод давхрыг
Өнгө төгөлдрөөр цэв цэнхэр болтол озох
Ув улаан сэтгэл байвч
Чиний дэргэд би зүүдэлхээс цаашгүй