Зогсохсон

 

 Догдлол минь чам дээр тунарч
Тунарсан долгиондоо өөрөө ч мэдэлгүй хөвнө
Дахиад ийм л агшныг мэдрэхгүйгээр
Тамын өрөөний хаалгыг хүчтэйхэн тогшихсон

Хайр минь чам дээр гэрэлтэж
Гэрэлтсэн цацрагтаа өөрөө ч мэдэлгүй жаргана
Хэзээд ийм л агшныг мэдрэхгүйгээр
Гэрийнхээ үүдний хаалгыг аяархан хаахсан

Дурсамж минь чам дээр хөглөрч
Хөглөрсөн аялгуундаа өөрөө ч мэдэлгүй нойрсоно
Дандаа ийм л агшныг мэдрэхгүйгээр
Хаалга бүрийн бариулаас атгаж зогсохсон

 2011.10.26