Tuesday, January 17, 2012

Хав хархан нүдэндээ

Хавар намар хоёр зэрэг амтагдсан 
Нялх уруулын чинь балаас 
Хамаг сайхан шүлгийнхээ эхлэлийг мэдэрч
Намрын шувуу шиг чамд хорогддог

Ганганан ганганан дүүлсээр
Өндөр огторгуйн дээрээс
Газарт алсарсаар хоцорсон чамдаа
Өндөгөө дараад өвөлжөөрэй гэж хэлдэг

Тэгээд л урь унасан хаврын эмзэг нарыг өвөртөлсөөр
Хайрт чинийхээ зүг далавчаа дэвсээр нисэхдээ
Тэнгэрийн гүн амьсгаатай үгсийг тээсээр
Хав хархан нүдэндээ жаргалын нулимс мэлтэгнүүлж газарддаг

3 comments:

  1. Tas har nudtei ter goo uzesgeleng.....saihan bichjee.

    ReplyDelete
  2. Түүний алхах чимээг газар амьсгалаа эвхэн байж сонсдог. Нүүрнээс нь туяа цацарч нэвт гийгүүлдэг. Нүднээс нь гэрэл асгарч орчлонг гийгүүлдэг. Би түүний нялбаанд сохордог

    ReplyDelete